مشكلة عضوة متجوزة من 8 سنين وجوزها دكتور

 


السلام عليكم ورحمة الله وبركاته
انا متجوزه من 8 سنين وجوزي دكتور وانا بحبه جدا وبغير عليه من شغله ده
لانه في كل مكان بيتشغل فيه موجود معاه ستات
والموضوع قلب معايا بعصبية ودايما بعمل معاه مشاكل بسبب الموضوع ده
بس هو بصراحة كان بيراضيني ويجبلي هدايا قيمة جدا بس

انا اوقات كتير كنت بزود من الموضوع وامتنع عنه جتى لما بيراضيني مش برضى
ومش بتصالح بسرعه انا طبعي كده غصب عني مش بقدر اسامح بسرعه
ومره حصلت بينا مشكله بسيطة وانا بصراحة طرته من اوضة النوم
وهو وقتها انفجر فيا واتعصب عليا جدا وقالي انا تعبت منك
ومبقتش عارف اراضيكي ازاي خلاص هروح انام مع العيال

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

ومبقتش عاوزك انا كمان خلاص طبعا انا زعلت من كلامه ده وفي لحظة غضب
قولتله خلاص وديني عند اهلي وفعلا وداني وجالي بعدها يراضيني
وقالي علشان الولاد وانا رفضت اروح معاه وقتها واهلي كلهم
كانو بيتحايلو عليا اروح وانا نشفت دماغي ومعرفتش ليه والله
وهو ماصبرش عليا بعدها وراح طلقني على طول

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

انا مصدومة لاني ماكنتش اتوقع بهد كل الحب ده يطلقني بالسهولة دي
طيب والعيال اللي بينا ازاي هانو عليه بالشكل ده حتى بعتله
وخليت عمي يكلمه علشان يرجعني رافض
وهو لحد دلوقتي ماتجوزش من سنتين وبيبعت مصاريف
وبيشوف الاولاد بانتظام كل اسبوع مره او مرتين

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

تنصحوني اعمل ايه لاني مش مستريحه عند اهلي
رغم انه سايبلي الشقه بس اهلي رافضين اقعد فيها لوحدي بالعيال
وانا عاوزه ارجع لزوجي وبيتي
تنصحوني بإيه؟

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

تمت اذا اعجبتكم قولولنا رايكم في التعليقات

ان انتهيتم من القراءه صلوا على خير خلق الله

والله هيرضيكم . صلى الله عليه وسلم.

تعليقات



حجم الخط
+
16
-
تباعد السطور
+
2
-